Bundok ng BASURA
Mahal mo ba ang kapaligiran? Nakatulong ka naba dito? O baka naman isa karin sa nag
wawasak nito. Ang kapaligiran ay isang napakahalagang biyaya at regalo sa atin ng Diyos.
Kinakailangan natin itong pangalagaan dahil ito ay nag iisa lamang, kung ito’y masira mahirap
na itong maiayos . Tayo ring mga tao ang nag wawasak sa kapaligiran.
Kadalasan tayong mga tao, iniisip lamang ang pagpapadali ng buhay. Kadalasan, iniisip lamang
ang mamuhay nang hindi iniisip ang kapaligiran. Habang lumilipas ang panahon, hindi natin
napapansing unti-unti nang naiipon ang mga bagay na minsan nating ginamit ngunit hindi na
natin kailangan pa.
Aking tinutukoy rito ay ang mga basura. Ang mga basura, hindi na natin kailangan at hindi na
natin iniisip. Wala na itong pakinabang at ang mahalaga sa atin, wala na ito sa buhay natin.
Ngunit, sa kasalukuyang panahon, ito ay bumabalik sa atin. Ang dating magandang tanawin at
sariwang hangin ay halos kumukupas na dahil sa mga basurang kabundok na ating iniiwan at
pinababayaan lamang sa kalsada.#Ang epekto nito sa pamumuhay ay ating nararamdaman na.
Ang tubig ay dumudumi na dahil sa ating mga basura. Naaapektuhan nito ang mga isdang ating
kinakain. Nakasisira ito sa ating magandang kalikasan. Nagdudulot ito ng mas mataas na
posibilidad ng pagbaha.
Mahirap nang bawiin ang pagkasirang naidulot nating mga tao. Ang pinakamadaling ating
magagawa ukol dito ay itapon ang basura sa tamang lalagyan at kung maaari, sanayin ang sarili
sa paggawa ng reuse, reduce, at recycle.
