Kahulugan ng Komunikasyon
Ito ay pagpapahayag; paghahatid o pagbibigay ng impormasyon sa mabisang paraan; isang pakikipag-
ugnayan, pakikipagpalagayan o pakikipag-unawaan (Webster).
Ang komunikasyon ay paghahatid ng mahahalagang impormasyon sa isang paraang masining upang
maging mabisa at mahusay na maipahayag ng tao ang kanyang palagay o saloobin sa kanyang kapwa,
anuman ang paksang inaakala niyang mahalagang mapag-usapan (Verdeber, 1987).
Mula sa salitang Latin na communis na nangunguhulugang “panlahat” o “para sa lahat.”
Kahalagahan ng Komunikasyon
Ang komunikasyon ay isang paraan upang tayo ay magkaunawaan. Isa ito sa pinakamahalagang sangkap ng
pagkakaintindihan sa isang lipunan. Dito naipapahayag natin ang ating mga saloobin ukol sa ating mga nakikita at
nararamdaman. Ang komunikasyon ay nagpapanatili ng kapayapaan sa isang lipunan. Ang lipunang kulang sa
komunikasyon ay kadalasang nagkakagulo at hindi nagkakaintindihan.
Uri ng Komunikasyon
Verbal at Di- Verbal na Komunikasyon
Kailangan ang wika sa verbal na komunikasyon, samantalang ang di-verbal na komunikasyon ay
naipahahayag sa, pamamagitan ng mga paraang di -gumagamit ng wika. Kinakailangan lamang sa di-
verbal na komunikasyon ang paggamit ng pandama o limang sensori. Kadalasang ginagamit din ang kilos
o galaw at ekspresyon ng mukha sa paghahatid ng kabuuang mensahe sa kausap.
