Download Tally ERP9 Guide Book and more Study notes Computer Applications in PDF only on Docsity!
What Is Tally Erp9?
Ham jis course ko sikhne ja rahe hai hame uske bare me pata bhi hona chahiye ki tally erp9 hamare kya kaam aayega. Bahut hi basic sa question hai aur bahut hi basic sa answer bhi hai aur bahut hi basic iski definition hai.
Definition of Tally Erp
Ek accounting software hai. Ab yaha 2 words ko hame thora sa samajhne ki zarurat hai sabse pehla ACCOUNTING & dusra SOFTWARE sabse pehle software kya hota hai ye samajh lete hai
What Is Software
Iska bhi bahut short answer hai ki software computer ka ek aisa program hota hai jisko jis kaam ke liye banaya gaya hai wo us kaam ko kam se kam samay me aur bina galti ke kar sake.
For Example:
Agar aapko kisi bhi tarah ki calculation karni hai jaise 25 ko 75 se multiple karna hai. Agar aap khud manually karoge to thora sa time bhi lagy aur galti ki gunjaish bhi rahegi. Aur agar yahi calculation aap agar computer me calculator software ki madad se karte ho to 1 second se bhi kam time me aapko perfect answer mil jayega. Ise hi software kehte hai.
What is Accounting?
Dekhiye dosto waise accounting word to bahut chota hai lekin iska complete course bahut bara hai. Jo commerce background ke hai wo ache se jaante hai accounting ke bare me. Phir bhi jo nahi jaante unko accounting ka short introduction de deta hu. Accounting 11th class se hi shuru ho jati hai jab ham commerce subject ko choose karty hai 2 saal commerce complete karne me lagte hai. Uske baad b. Com jise complete karne me 2 saal lagte hai & uske baad m. Com jise complete karne me 4 saal lag jaate hai. Aur iske baad bhi accounting chalti rehti hai.
Accounting Software
Ab Zamana ho gaya hai digital accounting ka kaam aasan karne ke liye kai accounting software aa chuke hain. Unhi me se ek software hai tally erp Aur tally erp9 me bhi in sabhi alag tarah ke len den ko rakhne ke liye alag vouchers hote hai jise tally ki language me ACCOUNTING VOUCHERS kehte hai. To ab alag alag register rakhne ki bajaye tally erp9 me sidhe hi vouchers me entry karke wo sab hisab itni aasani se rakha ja sakta hai jise rakhne ke liye logo ko bahut zyada mehnat karni parti thi.
Aur hath se accounting karne wale bahut kam accountant hua karte the aur aaj inhi accounting software ki wajah se kai logo ko accounting sikhne ka bhi aur accounting ka kaam bari aasani se karne ka mauka mila hai. To jaisa ke maine bataya tally erp9 me bhi vouchers hote hai jise accounting vouchers kehte hai aur alag alag entries ko karne ke liye alag alag vouchers hote hai to ab isi ke baare me detail me baat karte hai.
Benefits of Accounting
- Kisi bhi dukan ya shop me hone wale sabhi len den ka record rakha ja sakta hai.
- Kisi bhi dukan ya shop ka hisab kitab jaise koi dukandar kis se kitne paisay mangta hai ya dukandar se log kitne paisay mangte hai iska record aasani se rakha ja sakta hai.
- Karobaar me kitna profit ho raha hai ya loss iska pata lagaya ja sakta hai.
- Dukan me kitne kharche ho rahe hai iska pura hisab rakha ja sakta hai.
- Abhi shop me kitna stock para hai pata lagaya ja sakta hai.
- Karobaar me kitna cash balance hai ya kitna bank balance hai iska record rakha ja sakta hai.
- Karobaar me hone wale har len den ka hisab accounting ke zariye aasani se rakha ja sakta hai. Aur ye sabhi hisab kitab rakhne ke liye aaj bahut sare accounting software aa chuke hai. Unhi me se ek software hai tally erp9. Yakeen maniye tally erp9 me accounting ka kaam karna bahut hi aasan hai bas hame tally me in len den ko record karna sikhna hai jo ham aage chalkar sikhenge aur baki ki reports apne aap taiyyar ho jati hai. Ab sawal ye hai k jin logo ka commerce background nahi hai kya wo tally erp9 sikh sakte hai kiya?
Uses of Tally Erp9 for Accounting
Bas hame filhal itni choti se baat samajhni hai ki kisi bhi karobaar me hone wale len den Ko tally erp9 me record kiya jata hai. Aur ek karobaar me kis tarah ke len den hote hai ye bhi bata deta hu.
**1. Purchase Kitna maal kharida
- Sales Kitna maal becha
- Payment Kisko kitna payment kiya
- Receipt Kis se kitna payment aaya
- Creditors Hamse log kitne paisay maangte hai
- Debtors Ham kin logo se kitne paisay maangte hai**
Eligibility for Tally Erp
Ab question ye hai ki tally erp9 kaun kaun sikh sakta hai uske liye kya qualification Required hai wo bata deta hu
Commerce background- agar aap commerce background ke hai to aapko tally
Erp9 sikhne me aur accountant ban ne me zyada pareshani nahi aayegi. Kyunki commerce Background wale accounting ko samajhte hai. Aur jo commerce background ke nahi hai Wo bhi accountant ban sakte hai lekin unko thori zyada mehnat karni parti hai.
Computer knowledge- Agar aapka computer operate karne ka knowledge acha hai.To aap tally
erp9 ka course bhi kar sakte hai aur accountant bhi ban sakte hai. Jitne zyada Aap computer me expert hai utne hi zyada aap account me expert ban sakte hai.
Typing speed - Normal typing speed ho tab bhi aap growth kar sakte hai lekin jitni Fast aapki typing
speed hai utni hi fast aapki growth hai.
Miss-spelling - Bahut se log miss-speling bahut karte hai. Miss speling confidence Level ko kam karta
hai so jitni kam miss speling hogi utna behtar hai.
10+2 pass - Agar aapne 12th commerce se pass ki hai to aapko Zarur tally ka course Karna chahiye ye
aapke liye best career option hai. Aur agar aap commerce ke Student nahi hai tab bhi aap tally course kar sakte hai bas aapko thori zyada Mehnat karni paregi.
Benefit of Learning Tally
Best job option - tally sikhne ke baad aapko behtar job karne ka option milta Hai. Jab se gst lagu
hua hai tab se tally operator ki job requirement bahut badh gai Hai. Aap is course ko karke kahi par bhi aasani se job hasil sakte hai.
To be an accountant - tally ka jitna zyada experience aapko hoga utna hi zyada Aapko benefit hai.
Working experience lene ke baad aap tally operator se accountant Bhi aasani se ban sakte ho.
Respect full life - accountant bankar aap respect full life ji sakte ho. Ye baki job Ki tarah ek job nahi
hoti hai jisme aapko kisi ki sunni pade bahut sara kaam karna Pade aur kaam ka phal bhi na mile.
Better monthly income - computer operator ko bahut kam salary milti hai wahi Agar aap
experience accountant ban jaate ho to aap kam se kam 45 se 60000 Rupees Monthly kama sakte ho.
Create company in tally
Dekhiye tally erp9 main ham kisi bhi showroom, ya shop ka accounting ka kaam karte hai. Ab sawal ye hai kay kisi bhi showroom ya shop ka kaam kaise aur kaha se shuru kiya jaye. To sabse pehle hame us showroom ya shop ki company tally erp9 me banani padti hai aur company banana bahut hi aasan hai bas hame us showroom ya shop ki kuch basic si detail pata honi chahiye jo is tarhan ki hai
Information required to create a company in tally
- Company name
- Company address
- Company phone number
- Company mobile number
- Company email address
- Company city & state
- Company pin code
- Financial year
- Gst in number Bas ye basic si detail daal kar aap tally erp9 me ek New company create kar sakte hai. Aap tally erp9 me chahe jitni company create kar sakte hai 5,10 ya 20 jitni bhi zarurat hai utni alag alag company create ki ja sakti hai.
2. Function bar
Is point ko function bar kehte hai kyunke isme jitne bhi function hai un sabhi ko istimal karne ka shortcut keyboard me jo function key hote hai f1 se lekar f12 tak zyada tar yahi key istimal me li jati hai. Isliye ise function bar kehte hai. Tally ke alag page par function bar change hote rehte hai filhal gateway of tally par jo function bar me option hai wo kuch is tarah hai. F1 (select company) – tally me bani hui kisi bhi company ko select karne ke liye. Alt+f1 (shut company) – pehle se khuli hui company ko band karne ke liye, F2 (date) – entry karte waqt ya report dekhte waqt date change karne ke liye. Alt+f2 (period) – period change karne ke liye. Alt+f3 (company info) – pehle se bani hui company ko edit karne ya delete karne ke liye F11 (features) – tally me dusre features ko activate karne ke liye F12 (configure) – tally me features ko configure karne ke liye & settings change karne ke liye
3. Company information bar
Yaha par jo company aap ne Open ki hui hai uski kuch information milegi jaise. Company current period – abhi kaun sa financial year active hai. Current date – tally me abhi kaun si date lagi hui hai. Name of company – abhi kaun si company open ki hui hai. Date of last entry – is company me last entry kis tarikh (date) ko hui hai
4. Main gateway of tally
Tally ka yahi main page hai chahe kisi bhi tarah ka kaam ho ledger banana ho, stock item banana ho, kisi bhi tarah ki entry karni ho ya phir kisi bhi tarah ki reports dekhni ho. Sab kaam yahi par hote hai. Aur ye gateway of tally interface 4 parts me divide hota hai jo kuch is tarah hai. Masters – kisi bhi tarah ka ledger ya items, naya banana ho, ya pehle se bane huwe ledger ya item ko edit karna ho ya delete karna ho wo sab yahi par hota hai. Transaction – tally me kisi bhi tarah ki entry karne ke liye is function ka use kiya jata hai. Utilities – tally ke kuch advance features ka use karne ke liye is function ka use kiya jata hai jo zarurat ke mutabik hi istemal kiye jate hai. Reports – kisi bhi tarah ki reports is funtion ke andar dekhi jati hai.
5. Tally information bar
Yaha par tally se related information hote hai jaise Tally logo – sabse pehle tally ka logo yaha par diya huwa hai Version & updates – install kiye huwe tally ka version & updates available hai to uski information License & serial – agar aapne tally kharida huwa hai to uska serial number & license ki information yaha milti hai. Calculator – tally me calculator ko use karne ke liye
Note:
To in 5 parts ko alag divide karke hamne gateway of tally ko ache se samajh liya hai.
1. Purchase voucher (f9) – purchase ki entry karne ke liye purchase voucher ka use kiya jata
hai yaani aapne kisi tarah ka koi bhi maal kisi se bhi kharida uski aapko entry karni hai to isi voucher me entry ki jati hai aur f9 iska shortcut hai.
2. Sales voucher (f8) – sales ke entry karne ke liye sales voucher ka use kiya jata hai yaani aapni
kisi tarah ka koi bhi maal kisi ko bhi becha uski entry is voucher me hoti hai aur f8 iska shortcut hai.
3. Payment voucher (f5) – jaisa ki naam se hi pata chal raha hai jab bhi ham kisi ko naqd ya
bank ke zarye payment karenge to uski entry is voucher me hogi aur iska shortcut hai f5.
4. Receipt voucher (f6) – iske bhi naam se hi pata chal raha hai jab bhi hame kisi se naqd rupye
ya bank me rupye wasool honge to uski entry is voucher me hogi aur iska shortcut hai f6.
5. Contra voucher (f4) – is voucher me sirf 3 hi tarah ki entry ki jaati hai pehli apne naqd rupye
ko bank me jama karayenge tab dusri apne bank account se naqd rupye nikalwayenge tab aur teesri apne hi kisi ek account se apne hi kisi dusre account me paise jama karayenge tab yani cash to bank aur bank to cash aur bank to bank ye 3 hi entries is voucher me hogi aur iska shortcut hai f4.
6. Journal voucher (f7) – ham purchase ki entry sirf purchase ke voucher me hi kar sakte hai
sales ke voucher me nahi usi tarah sales ki entry sales ke voucher me hi kar sakte hai purchase ke voucher me nahi isi tarah jitne bhi voucher hai usme wahi entry hogi jiske liye wo bane hai. Lekin journal voucher 1 aisa voucher hai jisme kisi bhi tarah ki entry ki ja sakti hai purchase ki sale ki payment ki ya receipt ki. Lekin is voucher me entry karne ke liye aapko DR. Or CR. Karna aana zaruri hai.
7. Debit note/purchase return (ctrl + f9) – purchase ki entry karne ke liye purchase ka
voucher hai isi tarah jab ham kharida huwa maal wapas lota dete hai to uski entry debit note me ki jaati hai jiska shortcut hai ctrl+f9 ya agar hame kisi ke account se paise kaatne ho to uski bhi entry debit note me ki jaati hai jo ham aage chalkar sikhenge.
8. Credit note/sales return (ctrl + f8) – usi tarah jaise sales ki entry sales ke voucher me ki
jaati hai to hamara becha gaya maal agar customer hame wapas lota deta hai to uski entry credit note me hoti hai jiska shortcut hai ctrl + f8 ya agar hamare account se koi paise kat ta hai to uski bhi entry credit note me hoti hai ise bhi ham aage chalkar sikhenge.
HIGLIGHTS
To ye wo 8 voucher jo hamare kaam aane wale hai jo one by one is tarah hai
- F4 – contra voucher
- F5 – payment voucher
- F6 – receipt voucher
- F7 – journal voucher
- F8 – sales voucher
- F9 – purchase voucher
- Ctrl + f8 – credit note voucher / sales return
- Ctrl + f9 – debit note voucher / purchase return
WHAT IS LEDGER IN TALLY
Isi tarah tally erp 9 me jab bhi kisi bhi voucher me entry karte hai to khata kholna parta hai jise tally ki language me kehte hai ledger create karna. Ab maan lijiye ki mujhe tally me ek entry karni hai. Pasha ko 25/10/2019 ko 5000 rs. Ka udhar maal becha. Ab tally erp9 to kisi Pasha ko nahi janta ab yaha par aapko Pasha ka ek ledger create karna parta hai taki Pasha ke naam se udhar maal ki entry ki ja sake. Ab tally erp9 me kab aur kaha par ledger banaya jata hai wo ham aage sikhenge aur jab bhi tally erp9 me koi naya ledger banaya jata hai use ek group me daalna parta hai ab ye group kya hota hai wo samajhte hai.
WHAT IS GROUP
Jaise ke hame naam se hi pata chal raha hai group ka matlab hota hai majmu’ah. Group main aapko ek example ke dwara clearly samjha deta hu ki maan lijiye ye aapke saamne pakistan, australia aur sri lanka ke 11- 11 - 11 khiladi ek sath ghulmilkar khare hai aur agar main aapse puchu ke batao isme pakistan ka khiladi kaun hai australia ka khiladi kaun hai aur shri lanka ka khiladi kaun hai. Tab aap ek kar ke bataoge ki ek ye pakistan ka khiladi hai ek ye aur ek ye isi tarah ek ye australia ka khiladi hai ek ye aur ek ye. To aap ek ek karke un khiladiyo ko pehle pehchanoge phir bataoge Ab yahi maan lijiye ke ye teeno team ke khiladi 3 alag group banake alag alag khade ho aur tab main aapse puchu ki batao ki isme pakistan ka khiladi kaun australia ka kaun aur shri lanka ka kaun. Ab aap ek baar me hi bata doge ki ye sab khiladi pakistan ke hai ye sab khiladi australia ke hai aur ye sab khiladi sri lanka ke hai. To ye hota hai group aur group ka fayda.
WHAT IS GROUP IN TALLY ERP
Bilkul isi tarah hi tally erp9 me group ka use hai. Ab karobaar me kuch log aise bhi honge jo hamse udhar maal leke jayenge. Aur ham bhi kisi se udhar maal leke aayenge. karobaar me kuch kharche bhi honge. karobaar me kuch income bhi hogi. To in sabhi alag tarah ke karobaar ko alag rakhne ke liye sabke nature ke hisab se tally erp9 me alag alag group hote hai. For Example jo mujhse maal udhar leke jaate hai wo mere den daar hai. Aur jinse main udhar maal leke jaunga wo mere len daar hai. To in dono ke alag alag group hai ek len daar hai jise tally me sundry creditors kehte hai aur jo den daar hai use sundry debtors kehte hai.
To is tarha tally erp9 me aur bhi groups hai. Jab bhi ham koi bhi naya ledger banayenge to usko ek group me daalna compulsory hai aur ek sahi group ki pehchan karna bhi zaruri hai. Yaani hamne agar den daar ko len daar ke group me daal diya. Aur len daar ko den daar ke group me daal diya to hamari accounting ka kaam kharab ho jayega isliye ek sahi group ki bhi pehchan bahut zaruri hai.
