Departamento de Historia, Hª da Arte e
Xeografía, curso 2022/23
GUÍA para ELABORAR COMPOSICIÓNS en HISTORIA
Obxectivo dunha composición en Historia
:
explicar o tema requerido (sincrónico ou
diacrónico) partindo da análise dos documentos que se ofrezan para usar o seu contido
como exemplo ou proba nun texto expositivo no que se expliquen os antecedentes, o
contexto e as consecuencias derivadas dese proceso ou feito histórico.
Debe ser unha redacción explicativa dos asuntos requeridos facendo referencias
concretas aos documentos, demostrando coñecementos rigorosos deses temas e madurez na
capacidade argumentativa con precisión no uso dos conceptos e coherencia nos razoamentos.
Fases de elaboración da composición
1ª. Análise dos documentos.
a)
Lectura atenta do encabezamento da proba na que se describe o traballo que se
require
. Exemplo:
“Os seguintes textos deben permitirche facer unha redacción sobre a revolución agraria e a súa
influencia na revolución Industrial. Tendo en conta os documentos, o seu contexto e antecedentes históricos, debes
atender cando menos aos cambios no sistema de produción na economía agraria do s XVIII, os seus efectos sobre a
demografía e finalmente a súa relación co desenvolvement o industrial do s XIX”.
b) Lectura atenta dos textos e análise das imaxes, gráficas ou mapas que se propoñan.
c) Subliñado dos elementos principais (palabras, conceptos, ideas clave…).
d) Apuntamentos nas marxes deses documentos identificando persoeiros, institucións e
acontecementos que se explicarán na composición. Indica a relación cos contidos teóricos.
2ª. Elaboración dun esquema ou mapa conceptual co guión básico dos asuntos a
desenvolver indicando:
d) Tema- idea central.
e) Localización ou contextualización: espacial (onde?= territorio) e temporal (cando?= período
histórico concreto)
f) Conceptos principais / secundarios.
g) Tipoloxía dos documentos: primaria (históricos: coetáneos do asunto que tratan) ou secundaria
(historiográficos: posteriores ao tema abordado neses documentos)
Indica tamén si abordan temas de tipo político (ideoloxías, xestión do poder e administración dun
territorio), social (colectivos, relacións entre eles, condicións de vida…), económico (produción e
reparto de bens materiais), cultural (relixioso, xurídico, pensamento…).
3ª. Redacción da composición histórica cos seguintes apartados:
Introdución breve na que:
i) Presentamos o tema central que relaciona aos diferentes documentos seguindo o que se nos
require na proposta de composición histórica.
