DEREITO DE FAMILIA
25 DE NOVEMBRO DE 2015. ACCIÓNS DE FILIACIÓN
Nome:.................................................................................................................................
DNI:....................................................................................................................................
CASO PRIMEIRO: Dona Águeda foi inscrita no Rexistro Civil de Barcelona como
nacida en dita cidade e filla do matrimonio formado por don Donato e dona Noelia,
falecidos o 28 de agosto de 2002 e o 14 de maio de 2007, respectivamente, sendo dona
Águeda a única filla. No mes de febreiro de 1992 dona Águeda tivo noticia de que os
seus pais, que aparecían legalmente como biolóxicos, non o eran, senón que era filla de
Dona Gracia, quen no ano 1992 estaba casada con don Rogelio e tiña, como froito do
matrimonio, catro fillas. No mes de maio de 1992 coñeceu á súa nai, quen lle
comunicou a identidade do seu pai, don José Augusto. No mes de setembro dese ano
sometéronse ás probas de paternidade, obtendo un resultado positivo. Dona Gracia
faleceu o día 5 de abril de 2010 en San Sebastián, habendo outorgado testamento, no
que dona Gracia non aparece reflexada nin contemplada. Meses despois, dona Gracia
exerce acción de reclamación da filiación materna non matrimonial, con impugnación
da filiación contraditoria, solicitando asimesmo a súa declaración de herdeira de dona
Gracia e a anulación parcial do testamento da súa nai e da partición da herdanza
realizada polas fillas matrimoniais desta.
Cuestión: Deben prosperar as pretensións de dona Águeda?
Ver Sentenza do Tribunal Supremo de 12 de xaneiro de 2015 (RJ\2015\610)
CASO SEGUNDO: Don Rodolfo e Dona Estela contraxeron matrimonio en 1977.
En 1981 tivo lugar o nacemento do fillo, don Darío. O matrimonio separouse en 1986 e
disolveuse por divorcio en 1989. Acredítase por informe médico relativo a don Rodolfo,
con certificado de data de 3 de agosto de 1999 que "se constatan cifras baixas de
espermatozoides que farían moi difícil conseguir un embarazo por vía natural nese
momento...". Tras recibir este informe, e con data de 15 de setembro de 1999, don
Rodolfo presenta demanda contra dona Estela e don Darío, impugnando a paternidade
marital.
