Obxectivos da materia
A internacionalización da empresa é unha realidade incontestable que pode e debe xogar un
papel protagonista na economía en xeral, e a española en particular. Así, algunhas vantaxes
do devandito fenómeno, tanto para a empresa coma para a economía son:
- a taxa de emprego aumenta en catro puntos por cada dez de incremento do grao de
apertura ao exterior da economía;
- As empresas con implantación no exterior son máis produtivas e competitivas que as
centradas unicamente no mercado interior;
- A produtividade por empregado das empresas que exportan ou invisten fóra é, como media,
un 77% superior á das que non o fan;
- Os equipos das empresas exportadoras son ata cinco veces maiores;
- O 30% do total de facturación das empresas que exportan destínase ao exterior.
- A temporalidade das empresas internacionalizadas é inferior
- Presentan maior cualificación da man de obra.
Así as cousas, se ben ata a data as empresas optaban por saír ao exterior en prol dun maior
crecemento, na actualidade esta opción revélase como unha vía de sostemento ou
subsistencia. Non obstante, co fin de acometer o devandito obxectivo, deben coidar distintos
aspectos. O primeiro e fundamental, a cualificación dos seus recursos humanos. Hoxe en día
resulta imprescindible para os que traballan nunha empresa ter unha visión cosmopolita e
internacional da actividade económica, e considerar tanto os conceptos coma as estratexias
dentro dun modelo de economía aberta.
Para iso, faise imprescindible reconsiderar que tipo de persoas queremos que traballen nas
nosas empresas, e como desexamos que sexan. Neste programa pretendemos revisar
aqueles procesos que, se ben non garanten o éxito dos nosos traballadores no estranxeiro,
polo menos si contribúen a este.
Enmarcada dentro do esquema pedagóxico da área de coñecemento de Organización de
Empresas, a materia persegue achegar ao alumno unha visión comparativa das Políticas e
Técnicas de Xestión de Recursos Humanos no ámbito internacional, dedicando especial
atención á xestión da expatriación do persoal da empresa internacionalizada.
Contidos
Esta materia pretende proporcionar ao alumnado unhas ferramentas para a análise do
ámbito competitivo internacional e a vantaxe competitiva da empresa nun contexto de
competencia global. A materia consta de dúas partes:
1) unha parte introductiva á estratexia de empresa internacional,
2) o estudo da xestión dunha empresa multinacional na súa función de RRHH.
TEMA 1: O CONTEXTO DA GESTION INTERNACIONAL DOS RECURSOS HUMANOS
1. Diferenzas entre xestión de RRHH nacional e internacional.
2. Variables moderadoras da diferenza entre a Xestión dos Recursos Humanos nacional e
internacionais.
3. Enfoques na xestión internacional dos RRHH
4. A figura dos expatriados.
TEMA 2. RECRUTAMENTO E SELECCIÓN
1. Introdución
2. O proceso de Selección
3. Factores para o desempeño
4. Criterio de selección
5. Parellas con dobre carreira profesional
TEMA 3. FORMACIÓN E DESENVOLVEMENTO
1. Introdución
2. A formación do expatriado
3. Os compoñentes dun sistema efectivo de formación
4. A efectividade da formación pre-saída
5. Desenvolvemento directivo a través das asignacións internacionais
