COLUMN WRITING
GRADING SYSTEM OF HCA
JULIANA NEPOMUCENO
DAHAN-DAHAN LANG PO, HINDI KAMI ROBOT!
Projects dito, projects doon. Teka, meron pa! May pinapagawa si teacher
na performance task at takdang aralin na dapat ipasa ngayong linggo.
Kasabay pa dito ang mga darating na quizzes at exams. Ayan, tambak na
naman ng school works. Pero para sa kapakanan ng aming mga marka,
may iba pa po bang gagawin?
Bakit ba ang daming pinapagawang school works at performance tasks?
Magagamit ba namin lahat ng ito sa aming ginustong career sa
hinaharap? Ang sistema ng pagmamarka o grading system ng Holy Child’s
Academy ay mahigpit, nakakadagdag pagod, at problema sa mga
estudyante nito na may iba ding iniisip sa labas ng paaralan. Mas-
naaayon na ito ay hindi magsilbing batayan sa katalinuhan at kakayahang
angkin ng mga estudyante.
Ang sistema ng pagmamarka ay isang sistemang ginagamit upang masuri
ang kaganapang pang-edukasyon ng isang mag-aaral. Ang mga
pangunahing asignatura ng HCA ay 50% ang mga performance task, 30%
naman sa mga nakasulat na gawain, at 20% sa mga buwanang pagsusulit
o exams ang kumakatawan sa marka ng mga mag-aaral bawat quarter.
Mapapasabe na lang tayo na "Bahala nang hindi maunawaan ang
tinalakay ni teacher, basta't nakagawa ng performance task at mga
takdang aralin". Sa mga minor na asignatura naman ay 60% ang mga
performance task, 20% naman sa mga nakasulat na gawain, at 20% sa
mga buwanang pagsusulit. Hindi naman major subjects ang mga ito, pero
kung maka bigay ng mga gawain parang mga major subjects. Paano kung
gusto ko maging musikera, aanhin ko ba ‘yang pag-acting, pag-code sa
computer, pag-gawa ng scrapbook o ang pag-recite ng periodic elements,
sa trabaho ko sa hinaharap? Nararapat na magpokus sila sa mga
kailangang pag-aralan ng mga estudyante, hindi yung may ekstra pa na
hindi naman konektado sa leksyon.
