PANIMULANG PANALANGIN
(Dadasalin sa unang araw ng pagpanhik ng Birhen sa tahanan)
O Ina ng Diyos, Ina naming Mariang Pinagpala, ikinalulugod at ipinagkakapuri namin
ang pagdalaw mong ito sa aming maralitang tahanan. Ang iyong pinag-ingatan dapat
na maging pugad ng iyong pag-ibig sa loob ng pitong araw na iyong pamamalagi sa
aming piling. Igawad mo sa amin, Inang sinisinta ang iyong pagpapala. Basbasan mo
kaming lahat sa tahanang ito at huwag mong itulot na kami ay makagawa ng anumang
ikalulumbay mo. Kami ay iyo aming Reyna at aming ina. Ingatan mo kaming lagi bilang
pag-aari mong tunay magpakailanman. Siya nawa.
Awit: Bukas Muli Kaming Babalik
SIMULA NG SANTO ROSARYO
Ang tanda ng Santa Krus, Ipag-adya Mo kami, Panginoon Naming Diyos, sa mga
kaaway namin. Sa ngalan ng Ama, ng Anak at ng Espiritu Santo. Amen.
Namumuno: Aba Ginoong Maria napupuno Ka ng grasya ang Panginoong Diyos ay
Sumasaiyo
Lahat: Bukod Kang pinagpala sa babaeng lahat at pinagpala naman ng i
Iyong Anak na si Hesus.
Namumuno: Panginoon buksan Mo ang aking mga labi
Lahat: At purihin Ka ng aking bibig
Namumuno: Diyos ko tulungan Mo ako
Lahat: Panginoon magmadali Ka sa pagsaklolo sa akin
Namumuno: Luwalhati sa Ama sa Anak at sa Espiritu Santo
Lahat: Kapara na noong una, ngayon at magpakailanman at magpasawalang-hanggan.
Amen
SUMASAMPALATAYA
Sumasampalataya ako sa Diyos Amang makapangyarihan sa lahat, na may gawa ng
langit at lupa. Sumasampalataya naman ako kay Hesukristong iisang anak ng Diyos,
Panginoon nating lahat. Nagkatawang tao siya lalang ng Espiritu Santo, ipinanganak ni
Santa Mariang Birhen. Pinagpakasakit ni Poncio Pilato, ipinako sa krus, namatay
inilibing. Nanaog sa kinaroroonan ng mga yumao. Nang may ikatlong araw nabuhay na
mag-uli. Umakyat sa langit naluklok sa kanan ng Diyos Amang makapangyarihan sa
lahat. Doon magmumulang paririto't huhukom sa nangabuhay at nangamatay na tao.
Sumasampalataya naman ako sa Diyos Espiritu Santo sa banal na Simbahang
Katolika, sa kasamahan ng mga banal, sa kapatawaran ng mga kasalanan at sa
