PANGALAN: JOSIEL MAE BERNALES
SEKSYON: 12-AGONCILLO
MGA BAYANING FRONTLINERS
(TEKSTONG IMPORMATIBO)
Sa gitna ng COVID-19 pandemic sa buong mundo, patuloy din ang ating
mga frontliner sa pagharap at paglaban sa mga hamong dulot nito. Hindi
alintana ang anumang pagod o panganib, walang patid ang pagtupad ng
ating mga BAGONG BAYANI sa kanilang sinumpaang tungkulin: ang mag-
aruga, magligtas at magpagaling sa ating mga kababayang may sakit, lalo
na ang mga COVID-19 patients na lubos ang pangangailangan ng tulong at
pagkalinga. Sa simula pa lamang ng pandemyang ito, sila na ang unang
nakasuong sa larangan ng digmaan; tiniis ang pagod, sakit ng katawan, at
hirap ng loob. Lumalaban sila sa sariling pangamba, agam-agam, at
pangungulila sa pamilya, mabigyan lamang ng ginhawa ang may sakit, at
sa kahit munting paraan ay makatulong upang maibsan ang paghihirap ng
mga ito. Sila ang ating mga minamahal na frontliners at health care
workers na patuloy na pinipiling maglingkod sa BAYAN bago ang kanilang
SARILI. Kaya naman ating bigyang pugay at bigyan ng mahigpit na yakap
ang ating mga kababayang frontliner sa kanilang hindi matatawarang
serbisyo at sakripisyo. Taos-puso tayong magpasalamat sa mga frontliners
sa kanilang walang sawang pagtulong sa nangangailangan. Maraming
salamat, mahal naming mga FRONTLINERS.
