INFORMAZIO GENEROAK
1.GAIA
1. KAZETARIAREN IZAERA ETA JARDUNBIDEA
-Kazetari sena
Ezinbestekoa da jakin-mina izatea. Gertaerak ezagutzeko ez ezik, nola eta zergatik jazo
diren ere finkatzeko. Azalean geratzen den kazetaria ez da berriemaile ona izango.
Kazetariak gertakariaren inguruan sakondu behar du. Eta, eginkizun horretan, izaera
kritikoa funtsezkoa da. Bertsio ofizialarekin ez da aski. Harago joan behar da.
-Informatzea
Kazetariaren zeregin nagusia informatzea da. Informazio bat albiste bilakatu den
erabakitzeko, informazioaren beraren egiatasuna ziurtatu eta iturriak fidagarriak direla
egiaztatu beharko du kazetariak. Zurrumurruak ez dira albiste.
-Informazioa egoki antolatzea
Idazten hasi aurretik, ezinbestekoa da zer kontatu nahi den, eta nori, argi izatea.
Informazioa egoki antolatzeko, albistearen mamia bereizi behar du kazetariak lehenik.
Albistearen berritasunak eta nondik norakoak behar bezala argitu ondoren, lead-estiloaz
jabeturik, ideiak egoki iherarkizatu behar du.
-Hizkuntza
Hizkuntzaren erabilera egokia sustatu behar du kazetariak. Horretarako,
Euskaltzaindiaren arau eta aholkuak hartuko ditu oinarri. Halaber, errepresio gaitasuna
ere funtsezkoa da.
-Etika
Kazetariak etikadun pertsona behar du izan. Aintzat hartu behar ditu arau moralak.
-“Egiari sor zaion errespetua” da bete beharreko oinarrizko printzipioa.
-Giza eskubideei errespetua zor dio kazetariak.
+Gizaki orok du iritzi eta adierazpen askatasunerako eskubidea.
+Ohore, intimitate eta irudi eskubideei kalte egin gabe jokatu behar da.
+Banaka nahiz taldeen eskubideak errespetatu behar dira.
-Informazio iturriak alderatu behar dira.
-Egindako akatsak zuzendu behar dira.
-Ahal den heinean, informazio iturriak aipatu behar dira.
-Bide etikoak erabilita erdietsitako informazioak soilik dira zilegi.
