Introdución á Linguaxe Cinematográfica (Grupo D)
Side by side ou o seu título en castelán El impacto del cine digital é un documental
dirixido por Christopher Kenneally, e producido por Justin Szlasa e Keanu Reeves en
2012. Como ben augura o título en español o filme amósanos a pegada que deixou a
aparición da produción dixital e as novas tecnoloxías na industria do cine e as posturas
fronte a esta innovación de distintos directores, produtores e actores.
Un dos principais temas que trata esta largometraxe é o de é mellor se a produción en
filme ou en dixital, e a pesar de que as opinións se contrapoñen unhas as outras todos
están de acordo con que son técnicas totalmente diferentes e con acabados moi dispares,
por unha banda o filme, que é o procedemento clásico de produción, implica que necesita
un revelado para ver o acabado das tomas que gravaches, é dicir, que debe haber un equipo
que se encargue de revelalo todo e que tes que agardar por este equipo para poder ver se
o traballo dun día valeu para algo, outro problema é que a aplicación de efectos especiais
no filme é difícil e hai poucas opcións. Mentres que, no sistema de produción dixital, ti
podes ver o que estas a gravar ao momento e cando ti queiras, non tes que agardar pola
revelación, e a aplicación de efectos especiais é máis doada, xa que se pode facer mediante
ordenador, con aplicación específicas para iso, e cunha extensa gama de posibilidades á
elixir, é dicir, fai o proceso de produción dunha película moito máis doado.
Por outra banda, os entrevistados deixan caer ao final do documental que quizais o filme
é mellor para a conservación das gravacións debido a que mentres que a innovación da
técnica dixital non deixa de avanzar, é dicir, que cada vez que asimilas un formato da
reprodución a parece un máis novo que te obriga a ter que adaptarte outra vez, se unha
cámara se estraba e a queres reparar non podes porque a casa xa non fabrica tal modelo,
isto leva a pensar que quizais nun futuro as gravación de hoxe en día non se poidan
reproducir porque non haberá a tecnoloxía apropiada para elo, tamén pode ser que, por
calquera razón, esta tecnoloxía falle nun futuro; contra isto o filme tería a solución xa que
actualmente aínda se fabrican proxectores de filme.
A rivalidade do filme e o dixital en cuestións de acabado xa sería unha opinión de gustos,
hai directores, produtores etc. que prefiren o acabado “granuloso” do filme, sen embargo
outros prefiren os píxeles xa que outorgan un acabado nais definido e natural á imaxe,
cantos máis píxeles teña unha imaxe maior definición terá.
