GAITASUNAK ETA ERRONKAK
SARRERA
Ikasleak Lan prestakuntza eta orientabidea modulua gaindituz gero lau gaitasun
lortuko ditu. Gaitasun hauek lortzeko zazpi erronka eredu proposatzen dira.
Beraz, ikasleak gaitasun bat lortzeko batzuetan erronka bakarra burutuko du
eta aldiz beste batzuetan erronka bat baino gehiago burutu beharko ditu.
Dokumentu honetan topatuko duzuen informazioa hau da:
- Ikasleak lortu beharreko lau gaitasunak.
- Gaitasun bakoitza lortzeko burutu beharreko erronkak.
- Gaitasun bakoitzaren errubrika.
- Erronkan zehar jaso beharreko adierazleen/ebidentzien proposamena.
Irakasleak erabakiko du zeintzuk adierazle jaso nahi dituen.
GAITASUNAK
1. GAITASUNA: Norbere lanbide-profilari dagokion lan arriskuen
prebentzioa ebaluatzen eta neurriak ezartzen daki.
GAITASUN HAU LORTZEKO ERRONKA EREDUA:
Erronka_Lan arriskuen prebentzioa
- Lan baldintzak langilearen osasunean eragina duela daki.
- Tituluaren lanbide-profilari lotutako arrisku egoerak identifikatzeko gai
da.
- Kalteak sorburuan saihesten daki. Saihestezinak badira, haien
ondorioak ahalik eta gehien murrizteko aplikatu beharreko prebentzio
teknikak, eta norbera eta taldea babestekoak zehazteko gai da.
- Enpresa prebentzioa kudeatzeko moduak dakizki.
