Práctica nº 5
Villanustre Rodríguez, Clara
Xeografía humana e territorial
Grupo interactivo, D
Curso 1015/2016
Comentario
No documental visto na clase que recibe o nome de Benvidos ao paraíso reflexa
a situación dunha cidade Española, neste caso Almería, no que respecta ao traballo
agrícola e aos estranxeiros que traballan as terras como xornaleiros. Este documental
aborda o fenómeno económico que esta a sufrir este lugar, incluíndo a modificación
xenética que se lles fai ás hortalizas, así como os efectos que teñen os plásticos dos
invernadoiros sobre o ecosistema. Neste ámbito malviven os inmigrantes, moitos dos
cales se atopan en situación ilegal. Digo malviven por varios feitos, como poden ser os
lugares nos que albergan, polas condicións laborais, que moitas veces son impostas por
mafias que operan nesa rexión ao tempo que levan o negocio da prostitución local.
Podemos comezar por falar da inmigración cara España, uns 60000 traballadores
de orixe magrebí (aínda que despois será substituída pola ecuatoriana, xa que xerará
menos conflictos) e xeralmente dunha idade media, entre os 20 e os 50. A maioría desta
xente non ten un grao de cualificación adoitado, senón que son xente sen estudos, pero
ese non é o único problema que presentan estes estranxeiros, senón que o grao de
integración na cidade española non é moi boa, xa que non se adaptan á nosa cultura e
seguen aquí os modelos de vida do seu lugar de orixe, o que moitas veces crea conflitos
entre os xefes e os empregados ou mesmo coa xente das rúas e establecementos. Dende
o meu punto de vista, cando se visita outro país ou se emigra, unha persoa debe
adaptarse ás normas e mesmo á cultura na cal acaba de integrarse. A conflitividade
social entre a xente de Almería e os inmigrantes é cada vez maior, en liñas xerais, xa
que como en todos os casos, hai persoas que se adaptaron perfectamente ao entorno
social. Os traballos que realizan estas persoas son os que podemos denominar como
traballos de forza, ou mesmo precarios, pois son os encargados do traballo sucio, é dicir,
de carrexar as colleitas, da labranza das terras, etc. Son tamén uns traballos mal
remunerados, pois o que adquiren por esta labor é moi pouco comparado co trabalo
físico, e mesmo psíquico que sofre estas persoas. Neste ámbito falamos tamén das
diferenzas sociais entre o empresario e o inmigrante, as cales son sconsiderables.
Con respecto ao sector agrario en xeral podemos comentar un par de aspectos.
Aparece reflexado no documental como as técnicas agrarias evolucionan e non solo iso,
senón que hoxe por hoxe, coa tecnoloxía que temos, podemos modificar xeneticamente
os alimentos para conseguir deles que sexan máis resistentes a determinadas condicións
climatolóxicas, ou mesmo conseguir que un tomate obteña unha forma alongada para
poder cortas as rebandas perfectas á hora de facer unha hamburguesa nun restaurante, xa
que sendo o tomate alongado, as talladas sairán cunha forma moito máis estética., é
