Obxectivos da materia
- Acadar un primeiro nivel na preparación de profesionais en relacións laborais cun
coñecemento especializado no ámbito do Dereito dos contratos e a responsabilidade civil.
- Proporcionarlle ao estudante unha información e unha formación que, chegado o día, lle
permita, no seu quefacer profesional, afrontar con corrección os problemas xurídicos reais no
ámbito xudicial, notarial, administrativo, etc.
- Acadar unha certa destreza na utilización da linguaxe xurídica e no manexo dos textos que
conteñen o Dereito positivo na materia de contratos.
- Conseguir que o alumno se familiarice cos textos que conteñen o Dereito positivo en
materia de contratos, singularmente cos textos legais (en particular o Código Civil) e as
decisións xurisprudenciais.
- Lograr que os alumnos accedan ao coñecemento dos contidos básicos da disciplina.
- Dotar os estudantes dunha certa destreza no manexo dos instrumentos necesarios para a
interpretación e a aplicación das normas xurídicas relativas á materia.
Contidos
- Teoría xeral do contrato
- Concepto, requisitos, formación, contido, efectos e ineficacia dos contratos
- Contrato e protección dos consumidores
- Estudo dos contratos en especial
- Análise exhaustiva do contrato de compravenda, pola súa importancia económica e xurídica
- Contrato de doazón como paradigma dos actos gratuítos inter vivos
- Breve referencia a outras figuras contratuales: arrendamento, obra, servizos, sociedade.
- A responsabilidade civil extracontratual. Responsabilidade por feito propio e por feito alleo.
- Rexímenes especiais de responsabilidade civil. Referencia á responsabilidade por danos
causados polos produtos defectuosos.
Bibliografía básica e complementaria
Diez Picazo L/ Gullón Ballesteros, A., Sistema de Derecho civil, II, Madrid, Civitas (ultima
edición).
Lasarte Álvarez, C., Principios de Derecho civil, t. III, Pons, Madrid (a última edición)
Competencias
- O alumno debe acadar un nivel de xeito que sexa quen de poñerse en condicións de
coñecer e familiarizarse cos principios que informan o ordenamento xurídico na materia
contractual ao nivel esixido a un Diplomado en Relacións Laborais.
- Capacitalo para illar unha norma ou un conxunto de normas aplicables a un determinado
suposto de feito, para que manexe as técnicas interpretativas.
- Facelo ser quen de valorar os feitos sociais conforme á norma e contrastar esa valoración
coa que deles adoita facer a xurisprudencia ou a doutrina.
- Por último, expoñer os problemas e resultados coa debida claridade e sinxeleza.
Metodoloxía da ensinanza
Co manexo nas clases dos textos legais e da xurisprudencia ditada nesta materia polos
Tribunais de Xustiza, analizaranse os contidos mínimos da disciplina, cunha visión práctica
dela orientada á preparación dun Graduado en Relaciones Laborais.
Fomentarase a participación agrupando os alumnos e polarizando a súa intervención como
representantes das partes no conflito.
Ensinarase a redactar documentos característicos do dereito contratual e a responsabilidade
civil.
Resaltarase a ausencia de respostas unívocas nas materias máis discutidas e as
argumentacións que sustentan as diversas interpretacións xurídicas que poderían manterse
nos tribunais.
Sistema de avaliación da aprendizaxe
Asistencia a aula e participación activa (10 %)
Entrega de traballos e resolución de casos (30%)
