TRABALLO LIBRO
TÍTULO: QUE ME QUERES, AMOR?
AUTOR: MANUEL RIVAS
•OPINIÓN
Trátase dun libro de relatos marabilloso. Manuel Rivas describe á
perfección a Galicia rural, mesturando a realidade coa fantasía e o
misterio. É curioso como combina a crueldade do ser humano coa
tenrura. Os diferentes contos son moi interesantes (uns máis que outros) e
tocan gran variedade de temas. Ademais, gústanme os seus finais, que, na
maioría dos casos, sorprenden ao lector ou lle despertan certo desacougo.
Paréceme un libro moi recomendábel para un galego, en cambio, non llo
recomendaría a unha persoa que non manexe a lingua con facilidade, xa
que o autor emprega moitos termos coloquiais e expresións do mundo
rural galego.
En resumo, encontrei o libro entretido e diferente, malia que algúns contos fixéronseme pesados.
•ARGUMENTO
O volume componse de dezaseis contos, diferentes entre eles e sen un fío condutor. Pero, poderíase
dicir que o tema que se repite é o do amor. O amor en distintas situacións e relacións, e tamén con
distintos desenlaces (tráxicos a maioría das veces). Por exemplo: no primero, Que me queres, Amor?, o
amor dun home pola súa moza lévalle a cometer un atraco frustrado; en só por ahí e o Mister e Iron
Maiden, as relacións entre pais e fillos rematan con desafortunados finais; o fermoso relato a lingua
das bolboretas (do que falarei máis adiante) trata do amor fraternal entre un profesor e o seu alumno; o
amor á nai, recordándoa dende a infancia cun alto parecido a leiteira de Veermer no conto a leiteira; os
fermosos ollos verdes dunha moza espertan o talento musical dun músico novo en un saxo na néboa;
ou un amor máis carnal en Carmiña, coa incómoda presenza do seu can Tarzán; en as cousas, un crime
dentro dunha parella leva a que os obxectos dun apartamento debatan sobre o acontecido; etc.
