IDENTITATEAREN AUZIA METAFISIKAN: ZER NAIZ ETA ZERGATIK NAIZ NAIZENA?
TEORIA: Identitatearen auzia metafisikaren galdera nagusietako bat izan da: zer egiten du
zerbait denboran zehar gauza bera izatea. Filosofoek aztertu dute pertsonak edo objektuak
nola mantentzen duten beren nortasuna aldaketak izan arren. Batzuek identitatea elementu
iraunkor batean oinarritzen dela defendatu dute (arima edo esentzia, adibidez), eta beste
batzuek aldaketaren eta jarraitutasunaren bidez azaltzen dute. Galdera nagusia da: nola izan
gaitezke pertsona bera denborarekin aldatzen bagara?
Lanaren helburua: Norberaren identitatean sakontzea eta identitatea nola osatzen den
hausnartzea, metafisikaren identitatearen auziarekin lotuz.
Epea: Martxoak 1 (Aurretik egiten baduzue asko eskertuko dut zuzentzeko)
LANAREN GARAPENA
1. urratsa: Folioa prestatzea
Hartu folio bat, tolestu 10 zatitan. Berriro zabaldu folioa, 10 laukitxo ikusiko dituzu.
2. urratsa: Zure identitatearen ezaugarriak
Laukitxo bakoitzean idatzi zure identitatearekin lotutako ezaugarri bat. Guztira: 10 ezaugarri
Ezaugarriak mota askotarikoak izan daitezke:
● Ezaugarri fisikoak (itxura, ahotsa…)
● Ezaugarri psikologikoak (izaera, emozioak…)
● Ezaugarri sozialak (harremanak, kultura, hizkuntza…)
● Ohiturak edo sinesmenak
● ADI: Zaletasunak EZ dira sartzen.
3. urratsa: Diseinua
● Laukitxoak apaindu eta sormena erabili.
● Lana koadernoan itsatsi (goikaldean gehien eragiten dizutenak edo aldatzeko zailak
izango direnak)
● Goian idatzi izenburu hau: “Nire identitatea: zer naiz ni eta zergatik?”
4. urratsa: Hausnarketa idatzia
Idatzi testu labur bat zure identitateari buruz hausnartuz. Galdera hauek lagungarri izan
daitezke:
● Zure ezaugarrietatik zeintzuk dira genetikoki baldintzatuak?
● Zeintzuk dira ikasi edo eraikiak (hezkuntza, gizartea, esperientziak…)?
● Zeintzuk alda daitezke denborarekin?
