Neste documental se fai un repaso a algúns dos fitos que marcan o
desenvolvemento da Arqueoloxía dende mediados do s. XVIII ata os
finais do s. XIX.
-A redescuberta de Pompeya e Herculano e os primeiros esforzos
sistemáticos de pescuda dos restos materiais do pasado, a iniciativa
do rei de Nápoles a mediados do século XVIII.
- A formulación do Sistema das Tres Idades por parte de Thomsen, a
partir do material empregado na elaboración dos artefactos e tendo
en conta a coexistencia de obxectos en contextos pechados como as
tumbas.
- O cemeterio de Hallstatt en Austria e o seu papel como encrucillada
de comercio entre as Europas mediterránea e nórdica a comezos da
Idade do Ferro.
- O xeneral Pitt-Rivers e o desenvolvemento da Arqueoloxía de
Campo como un labor científico.
- Os traballos de Henry Christy e Edouard Lartet e as orixes da
investigación sobre o Paleolítico na área de Les Eyzies (xacemento
de Le Moustier), a descuberta de arte rupestre en Altamira e as
excavacións de Dorothy Garrod nas covas do Monte Carmelo en
Palestina.
- A técnica de datación mediante o Carbono 14 e outros sistemas
para fechar os acontecementos prehistóricos.
