HERBERT SPENCER La evolución de la sociedad (1993).
“La evolución de la sociedad” Herbert Spencer izeneko autore ingelesak 1993. urtean
argitaratutako lana da, eboluzioaren teorian ekarpen ugari egin dituena. Gainera, funtzionalismo
estrukturala deituriko korronte antropologikoak bere jatorriaren zati handi bat du Spencerrek
egindako planteamenduan.
Hasteko, Spencerrek gizartearen definizioa ematen du eta haren arabera, gizartea organismo bat
da. Baieztapen hori justifikatzeko hainbat arrazoi ematen ditu: lehenik eta behin, gizartea denbora
guztian hazten da eta hazten den neurrian, bere zatiak desberdinak bihurtzen dira eta estrukturaren
areagotzea agertzen da. Gainera, zati desberdinek mota desberdinetako jarduerak burutzen dituzte eta
jarduera hauen arteko desberdintasunak elkarren artean erlazionatuta egoteak eragiten du posible
izatea jarduera desberdinak egotea. Horrekin jarraituz, elkarrenganako laguntza horrek modu
horretan sortzen du zatien arteko dependentzia eta zati dependente hauek besteengatik eta besteentzat
bizitzen direnez, organismo indibidual baten printzipio orokorraren gainean agregatu bat osatzen
dute, organismoa izango litzatekena. Dena den, Spencerrek bi galdera proposatzen ditu gizartea
hobeto ulertzeko: gizarte baten atributuak gorputz bizigabe baten modukoak dira? edo gorputz
bizidunak bezalakoak dira?
Lehenengo galderari ezezkoa ematen dio, izan ere, gorputz ez-organikoen edo bizigabeen eta
gorputz sozialaren arteko desberdintasunak nabariak dira, esaterako, agregatu ez-organiko bateko zati
bat asko aldatu daiteke, baina horrek ez du eraginik gainerakoengan. Agregatu sozialean eta
organikoan, aldiz, beste modu batean gertatzen da, zatien aldaketak elkar determinatuta daudelako
eta, gainera, zatien akzio aldatuak elkar dependenteak direlako.
Bestalde, bigarren galderaren haritik, gorputz bizidunen eta gorputz sozialen arteko
antzekotasunak azpimarratzen ditu, hala nola, tamainan handitzen direnean, estrukturan ere handitzen
direla; hasiera batean oso txikiak edo oso masa gutxiz osatzen direla, baina, ondoren, haziera edo
hazkuntza gertatzen dela; estruktura sozialei dagokionez, masaren gehikuntza batera gertatzen dela
egituraren areagotzearekin; funtzio sozialei dagokionez bietan estrukturazko aldaketak ezin direla
eman funtzioen aldaketak eman gabe… Hala ere, badago aspektu bat ez dena ematen hazkunde
organikoan, hazkunde sozialean gizarte batetik bestera unitateen migrazioa gertatzen baita. Hortaz
gain, badago organismo sozialaren eta gorputz bizidunaren arteko beste desberdintasun garrantzitsua
eta erabatekoa: animali baten zatiek total konkretu bat eratzen dute baina gizarte baten zatiek total
diskretu bat osatzen dute. Gainera, organismo sozialean kooperazioa ez da egiten infuentzia fisikoen
bidez. Dena den, gizartean, batak besteari eragiten dio lengoaia emozionalaren bidez eta
intelektoaren lengoaia oral eta idatziaren bidez. Amaitzeko, gizarte batean lanaren banaketa eta
