TEMA 4. AS FONTES DE INFORMACIÓN
A. Definición e importancia das fontes
As fontes son persoas, institucións ou organismos de distinta
índole que facilitan a información que necesitan os medios para
subministrar noticias. Exemplos: EFE, o protagonista dunha
noticia…
Esta é a definición técnica básica, polo tanto, é obvio que as
fontes son esenciais para a produción da información, porque
son elas as que informan aos xornalistas; sen fontes non hai
información.
Dependendo de con que fontes falemos, o tema vai ser
totalmente distinto.
•O nexo acontecemento – fonte – noticia, é central na
construción da realidade xornalística.
•O emprego dunha ou doutras fontes de información dará
lugar á construción de temarios xornalísticos distintos e
define a personalidade do medio.
•A escolma de fontes debe ser honesta e responder aos
criterios de diversidade e equilibrio.
Polo xeral, diríase que se deben contrastar mínimo 3 fontes, que
deberían ser variadas para manter o principio de honestidade e
imparcialidade. Hai que ter en conta que, as fontes, ao igual
que o xornalista, non son obxectivas, polo que a
profesionalidade pode ser cuestionada se nos deixamos guiar
pola interpretación subxectiva que a fonte ten dun determinado
feito xornalístico. En resume, o xornalista debe facer unha
mestura dos diferentes puntos de vista das fontes sen
condicionar a opinión pública, salvagardando, así, os principios
de honestidade, equilibrio e diversidade.
Os xornalistas case nunca tratan cos feitos mesmos, senón con
versións xa “codificadas”, é dicir, interpretacións ou
construcións dos feitos en forma de discurso de moitas fontes.
•Problemas que nos podemos atopar ao tratar con
fontes:
•Non seguir o código ético e manipular, co emprego das
fontes informativas (ex.: caso Doñana).
•Non contrastar con tódolos implicados antes de
publicar (texto da verificación).
