Lingüística I
C
UESTIÓNS
/
1
(Hai que traelas contestadas para o Seminario 3.2)
1.- Supoñamos que existe unha lingua na que as oracións son analizables únicamente
en palabras (non ten unidades como o sintagma ou frase) e que non ten ningunha
palabra divisible en unidades sígnicas máis pequenas (como os morfemas).
¿Poderíamos dicir que esta lingua é dobremente articulada?
2.- Imaxina que para identificar os alumnos do curso ideamos un sistema constituído
por un número (que indica a orde alfabética), dúas letras para indicar a provincia de
orixe (por xemplo, PO = Pontevedra) e dúas letras para indicar a especialidade (por
exemplo, PO = Filoloxía portuguesa); se é unha muller, as letras que identifican a
provincia e a especialidade serán maiúsculas e, se é un home, minúsculas. Así, unha
mensaxe como a seguinte: 15POPO significaría «alumna nº 15 na orde alfabética do
curso, natural da provincia de Pontevedra, matriculada en Filoloxía portuguesa».
Xustifica cantas articulacións ten este sistema.
3.- Segundo o sistema de catalogación bibliotecaria que se emprega na biblioteca da
nosa Facultade, unha signatura como 41 SAU-23 (2) significa o seguinte: «libro
situado no apartado da biblioteca que corresponde a Lingüística Xeral [41], escrito por
Ferdinand de Saussure [SAU], obra nº 23 deste autor segundo a orde en que se foron
catalogando [23], exemplar repetido nº 2 [2]». Xustifica cantas articulacións ten este
sistema.
4.- ¿É máis económico un sistema de signos que, ademais da 1ª articulación, teña 2ª
articulación na expresión e no contido ou un que só teña 2ª articulación na expresión?
Xustifica a túa resposta.
5.- A partir da análise do significado das palabras pai, cuñada, sogra, xenro, filla,
abó, irmán, nai, irmá, fillo, nora, sogro, cuñado, aboa, que son algunhas das que
conforman o campo semántico dos nomes de parentesco en galego, intenta demostrar
que nas linguas tamén hai segunda articulación no plano do contido.
6.- Intenta determinar cales son as características semánticas que están codificadas
como unidades de lingua no sistema de adxectivos/pronomes posesivos do galego ou
do castelán en comparación cos doutra lingua que coñezas (inglés, francés, italiano,
portugués, alemán, etc.)