Baixe Rituale Romanum1925 e outras Notas de estudo em PDF para Teologia, somente na Docsity!
RITUALE
ROMANUM
PAULI V PONTIFICIS MAXIMI
JUSSU EDITUM
ALIORUMQUE PONTIFICIUM
CURA RECOGNITUM
ATQUE AUCTORITATE
SSMI D.N. PII PAPÆ XI
AD NORMAM
CODIS JURIS CANONICI
ACCOMMODATUM
EDITIO JUXTA TYPICAM VATICANAM
MCMXXV
This special electronic edition © Laudate Dominum
www.pagerealm.com/zotz
DECRETUM
VATICANAM RITUALIS ROMANI
EDITIONEM APPROBANS
c HANC Ritualis Romani Vaticanam editionem, diligenter revisam, emendatam et auctam ad normam Codis Juris Canonici, Rubricarum Missalis Romani atque Decretorum Apostilicæ Sedis, Sanctissimus Dominus noster Pius Papa XI, referente infrascripto Cardinali Sacræ Rituum Congregationi Præfecto, ratam habuit et approbavit, atque uti typicam habendam esse decrevit, cui futuræ editiones ejusdem Ritualis Romani conformandæ erunt. Contrariis non obstantibus quibuscumque. Die 10 Junii 1925. † A. CARD. VICO EPISC. PORTUENSIS ET S. RUFINÆ S.R.C. Præfectus L † S ALEXANDER VERDE, Secretarius.
RITUALE ROMANUM
TITULUS I
CAPUT UNICUM
DE IIS
QUÆ IN ILLUSTRATIONE
SACRAMENTORUM
GENERALITER SERVANDA SUNT
Ut, ea quæ ex antiquis catholicæ Ecclesiæ institutis, et sacrorum Canonum, Summorumque Pontificium Decretis, de Sacramentorum ritibus ac cæremoniis hoc libro præscribuntur, qua par est diligentia ac religione custodiantur, et ubique fideliter observentur; illud ante omnia scire, et obser- vare convenit, quod Sacrosancta Tridentina Synodus, Sess. VII, Can. XIII, de iis ritibus decrevit in hæc verba:
- “Si quis dixerit, receptos et approbatos Ecclesiæ Catholicæ ritus in solemni Sacramentorum ad- ministratione adhiberi consuetos, aut contemni, aut sine peccato a Ministris pro libito omitti, aut in novoxs alios per quemcumque Ecclesiarum Pastorem mutari posse: anathema sit.” 3.Cum igitur in Ecclesia Dei nihil sanctius, aut utilius, nihilque excellentius, aut magis divinum habeatur, quam Sacramenta ad humani generis salutem a Christo Domino instituta, Parochus, vel quivis alius Sacerdos, ad quem eorum administratio pertinet, meminisse in primis debet, se sancta tractare, atque omni fere temporis momento ad tam sanctæ administrationis officium paratum esse oportere.
- Quamobrem illud perpetuo curabit, ut integre, caste, pieque vitam agat; nam etsi Sacramenta ab impuris coinquari non possint, neque a pravis Ministris eorum effectus impediri: impure tamen et indigne ea Ministrantes, in æternæ mortis reatum incurrunt. Sacerdos ergo si sit peccati mortalis sibi conscius (quod absit), ad Sacramentorum administrationem ne audeat accedere, nisi prius corde pœniteat; sed si habeat copiam Confessarii, et temporis locique ratio ferat, convenit confiteri.
- Quæcumquæ diei ac noctis hora ad Sacramenta ministranda vocabitur, nullam officio suo præs- tando (præsertim si necessitas urgeat) moram interponat. Ac propterea populum sæpe, prout sese offeret occasio, præmonebit, ut, cum sacro ministerio opus erit, se quamprimum advocet, nulla temporis, aut cujuscumue incommodi habita ratione.
- Ipse vero antequam ad hujusmodi administrationem accedat, paululum, si opportunitatas dabitur, orationi et sacræ rei, quam acturus est, meditationi vacabit, atque ordinem ministrandi, et cæremo- nias pro temporis spatio prævidebit et perleget.
Titulus I—Caput unicum
- In omni Sacramentorum administratione superpelliceo sit indutus, et desuper stola ejus coloris, quem Sacramenti ritus exposcit; nisi in Sacramento Pœnitentiæ ministrando occasio, vel consuetu- do, vel locus interdum aliter suadeat.
- Adhibebit quoque unum saltem, si habeat, vel plures Clericos, prout loci et Sacramenti ratio pos- tulabit, decenti habitu, et superpelliceo pariter indutos.
- Curabit etiam, ut sacra suppelex, vestes, ornamenta, linteamina, et vasa ministeriiintegra, niti- daque sint et munda.
- In Sacramentorum administratione eorum virtutem, usum, ac utilitatem, et cæremoniarum sig- nificationes, ut Concilium Tridentinum præcipit, ex Sanctorum Patrum et Catechismi Romani doc- trina, ubi commode fieri potest, diligenter explicabit.
- Dum Sacramentum aliquod ministrat, singula verba, quæ ad illius formam et ministerium perti- nent, attente, distincte, et pie, atque clara voce pronuntiabit. Similiter et alias orationes et preces devote ac religiose dicet; nec memoriæ, quæ plerumque labitur, facile confidet, sed omnia recitabit ex libro. Reliquas præterea cæremonias ac ritus ita decenter, gravique actione peraget, ut adstantes ad cælestium rerum cogitationem erigat, et attentos reddat.
- Administrandum procedens, rei, quam trataturus est, intentus sit, nec de iis, quæ ad ipsam non pertinent, quidquam cum alio colloquatur; in ipsaque administratione actualem attentionem habere studeat, vel saltem virtualem, cum intenione faciendi, quod in eo facit Ecclesia.
- Illud porro diligenter caveat, ne in Sacramentorum administrationem aliquid, quavis de causa vel occasione, directe vel indirecte, exigat, aut petat; sed ea gratis ministret, et ab omni simoniæ, atque avaritiæ suspicione, nedum crimine, longissime absit. Si quid vero nomine eleemosynæ, aut devotionis studio, peracto jam Sacramento, sponte a fidelibus offeratur, id licite pro consuetudine locorum accipere poterit, nisi aliter Episcopo videatur. Licet tamen exigere aut petere oblationes seu taxas quae a Concilio provinciali aut a conventu Episcoporum provinciæ fuerint præfinitæ et ab Apostolica Sede approbatæ. Gratitum vero ministerium ne deneget Parochus iis qui solvendo pares non sunt.
- Vetitum est Sacramenta Ecclesiæ ministrare hæreticis aut schismaticis, etiam bona fide erran- tibus eaque patentibus nisi prius, erroribus rejectis, Ecclesiæ reconcilliati fuerint.
- Omnes autem, qui Sacramenta suscipiunt, loco et tempore opportuno monebit, ut, remoto inani collo- quio, et habitu actuque indecenti, pie ac devote Sacramentis intersint, et ea, qui par est, reverentia suscipi- ant.
- Librum hunc Ritualem (ubi opus erit) semper cum ministrabit, secum habebit, ritusque et cæremonias in eo præscriptas diligenter servabit.
- Ceterum illorum tantum Sacramentorum, quorum administratio ad Parochos pertinet, ritus hoc opere præscribuntur, cujusmodi sunt Baptismus, Pœnitentia, Eucharistia, Extrema Unctio, et Matrimonium. Reli- qua vero duo Sacramenta, Confirmationis et Ordinis, cum propria sint Episcoporum, ritus suos habent in Pontificali præscriptos. Et ea, quæ de iis, atque aliis Sacramentis scire, servare, et docere Parochi debent, cum ex aliis libris, tum præcipue ex Catechismo Romano et Codice Juris Canonici summi possunt. Siqui- dem hic de iis fere tantum agere instituti operis ratio postulat, quae ad ipsorum quinque Sacramentorum ritus pertinent.
- Postremo quisquis Sacramenta administrare tenetur, habeat libros necessarios ad officium suum perti- nentes, eosque præsertim, in quibus variarum parochialium functionum notæ ad futuram rei memoriam de- scribuntur, ut ad finem hujus Ritualis habetur.
De sacramento Baptismi rite administrando
- Licet Baptismus conferri valide possit aut per infusionem aquæ, aut per immersionem, aut per aspersionem; primus tamen, vel secundus modus, aut mixtus ex utroque, qui magis sit in usu, pro Ecclesiarum consuetudine retineatur; ita ut trina ablutione caput baptizandi perfundatur, vel im- mergatur in modum crucis uno et eodem tempore, quo verba proferuntur, et idem sit aquam ad- hibens et verba pronuntians.
- Ubi vero Baptismus fit per infusionem aquæ, cavendum est, ne aqua ex infantis capite in fontem extructum defluat, aut in aliquo vase ad hunc usum parato recepta, in ipsius Baptisterii, vel in ecclesiæ sacrarium effundatur. DE MINISTRO BAPTISMI
- Minister ordinarius Baptismi solemnis est Sacerdos; sed ejus collato reservatur Parocho vel alii Sacerdotii de ejusdem Parochi vel Ordinarii loci licentia, quæ in casu necessitatis legitime præsum- itur. Etiam peregrinus a arocho proprio in sua Parœcia solemniter baptizetur, si id facile et sine mora fine potest; secus peregrinum quilibet Parochus in suo territorio potest solemniter baptizare.
- In alieno territorio nemini licet, sine debita licentia, Baptismum solemnem conferre ne sui qui- dem loci incolis.
- Ubi Parœciæ aut quasi-parœciæ nondum suntconstitutæ, statutorum peculiarium et receptarum consuetudinum ratio habenda est, ut constet cuinam Sacerdoti, præter Ordinarium, in universo ter- ritorio vel in ejus parte jus insit baptizandi.
- Extraordinarius Baptismi solemnis minister est Diaconus; qui tamen sua potestate ne utatur sine loci Ordinarii vel Parochi licentia, juste de causa concedenda, quæ ubi necessitas urgeat, legit- ime præsumitur.
- Baptismus non solemnis, in mortis periculo, potest a quovis ministrari, servata debita materia, forma et intentione; quatenus vere fieri potest, adhibeantur duo testes vel saltem unus, quibus bap- tismi collatio probari possit. Si tamen adsit Sacerdos, Diacono præferatur, Diaconus, Subdiacono, Clericus laico et vir feminæ, nisi pudoris gratia deceat feminam potius quam virum baptizare, vel nisi femina noverit melius for- mam et modum baptizandi. Patri aut matri suam prolem baptizare non licet, præterquam in mortis periculo, quando alius præs- to non est, qui baptizet.
- Curet Parochus ut fideles, præsertim obstetrices, medici et chiurgi, rectum baptizandi modum pro casu necessitatis probe ediscant.
- Adultorum Baptismus, ubi commode fieri possit, ad loci Ordinarium deferatur, ut, si voluerit, ab eo vel ab ejus delegato solemnius conferatur. DE BAPTIZANDIS PARVULIS
- Cum agitur de Baptismo: 1º Parvulorum seu infantium nomine veniunt, qui nondum rationis usum adepti sunt, eisdemque accensentur amentes ab infantia, in quavis ætate constituti: 2º Adulti autem censentur, qui rationis usu fruuntur; idque satis est ut suo quisque animi motu Baptismum petat et ad illum admittatur.
- nemo in utero matris clausus baptizetur, donec probabilis spes sit ut rite editus baptizari possit. Si infans caput emiserit et periculum mortis immineat, baptizetur in capite; nec postea, si vivus evaserit, est iterum sub conditione baptizandus.
De sacramento Baptismi rite administrando Si illud memnrum emiserit, in illo, si periculum immineat, baptizetur sub conditione; at tunc si na- tus si vixerit, est rursus sub conditione baptizandus. Si mater prægnans mortua fuerit, fetus ab iis ad quos spectat extractus, si certo vivat, baptizetur ab- solute; si dubie, sub conditione. Fetus in utero baptizatus, post autem denuo sub conditione baptizari debet.
- Currandum ut omnes fetus, abortivi, quovis tempore editi, si certo vivant, baptizentur absolute; si dubie, sub conditione.
- Monstra et ostenta semper baptizentur saltem sub conditione: Si tu es homo, ego te baptizo, etc. in dubio autem unusne an plures sint homines. Unus absolute baptizetur. ceteri sub conditione: Si non es baptizatus, ego te baptizo, etc.
- Infantes expositi et inventi nisi, re diligenter investigata, de eorum Baptismo constet, sub con- ditione baptizentur.
- Infans infidelium, etiam invitis parentibus, licite baptizatur, cum in eo versatur vitae discrim- inæ, ut prudenter prævideatur moriturus, ante usum rationis attingat. Extra mortis periculum, dummodo catholicae ejus educationi cautum sit, licite baptizatur: 1º Si parentes vel tutores, aut saltem unus eorum, consentiant; 2º Si parentes, idest pater, mater, avus, avia, vel tutores desint, aut jus in eum amiserint, vel illud exercere nullo pacto queant.
- Circa Baptismum infantium duorum hæreticorum aut schismaticorum, aut duorum catholico- rum qui in apostasiam vel hæresiam vel schisma prolapsi sint, generatim serventur normæ in supe- riore rubrica constitutæ. DE RITIBUS ET CÆREMONIIS BAPTISMI
- Baptismus solemniter conferatur, salvo præscripto rubr. num 28. Loci Ordinarius potest, gravi et rationabilii de causa, indulgere ut caeremoniæ præscriptæ pro Bap- tismo infantium adhibeantur in Baptismo adultorum.
- Proles ritu parentum baptizari debet Si aliter parentum pertineat ad ritum latinum, alter ad orientalem, proles ritu patris baptizetur, nisi aliud jure speciali cautum sit. Si unus tantum catholicus, proles hujus ritu baptizanda est.
- In mortis periculo Baptismum privatim conferre licet; et, si conferatur a ministro qui nec Sacerdos sit nec Diaconus, ea tantum ponantur, quæ sunt ad Baptismi validitatem necessaria; si a Sacerdote vel Diacono, serventur quoque, si tempus adsit, cæremoniæ quæ Baptismum sequuntur. Extra mortis periculum Baptismum privatum loci Ordinarius permittere nequit, nisi agatur de hæreticis qui in adulta aetate sub conditione baptizentur. Cæremoniæ autem quæ in Baptismi collatione prætermissæ quavis ratione fuerint, quamprimum in ecclesia suppleantur, nisi agatur de hæreticis qui in adulta ætate sub conditione privatim baptizati fuerint ex Ordinarii loci licentia, ut supra
- Cum Baptismus sub conditione iteratur, cæremoniæ, si quidem in priore Baptismo omissæ fuerunt, suppleantur, salvo præscripto rubr. num. 28; sin autem in priore Baptismo adhibitæ sunt, repeti in altero aut omitti possunt.
De sacramento Baptismi rite administrando
- Baptismus privatus urgente necessitate, quovis tempore et loco administrandus est.
- Etiam solemnis Baptismus qualibet die administrari potest; decet tamen adultorum Bap- tismum, secundum antiquissimum Ecclesiæ ritum, conferri, si fieri commode queat, in pervigilio Paschatis et Pentecostes, præcipue in metropolitanis aut cathedralibus ecclesiis.
- Proprius Baptismi solemnis administradni locus est Baptisterium in ecclesia vel in oratoro pub- lico.
- Quaelibet Parœcialis ecclesia, revocato ac reprobato quovis contrario statuto vel privilegio vel consuetudine, baptismalem habeat fontem, salvo legitmo jure cumulativo aliis ecclesiis jam quæsi- to. Loci Ordinarius potest pro fidelium commoiditate permittere vel jubere ut fons baptismalis ponatur etiam in alia ecclesia vel publico oratorio intra parœciæ fines.
- Si ad ecclesiam parœcialiam, aut ad aliam quæ jure fontis gaudeat, baptizandus, propter loco- rum distantiam aliave adjuncta, sine gravi incommodo aut periculo, accedere aut transferri nequeat, Baptismus solemnis a Parocho conferri potest et debet in proxima ecclesia aut oratorio publico in- tra parœciæ fines, licet hæc baptismali fonte careant.
- In domibus autem privatis Baptismus solemnis administrari non debet, nisi hisce in adjunctis: 1º Si baptizandi sint filii aut nepotes eorum qui supremum actu tenent populorum principatum vel jus habent succendi in thronum, quoties isit id rite poposcerint; 2º Si loci Ordinarius, pro suo prudenti arbitrio et consentia, justa ac rationabili de causa, in casu aliquo extraordinario id concedendum consuerit. In memoratis casibus Baptismus conferendus est in sacello domus aut saltem in alto decenti loco, et aqua baptismali de more benedicta.
- Baptisterium sit decenti loco et forma, materique solida, et quæ aquam bene contineat, decenter ornatum, et cancellis circumseptum, sera et clave munitum, atque ita obseratum, ut pulvis, vel aliæ sordes intro non penetrent, in eoque, ubi commode fieri potest, depingatur seu collocetur imago sancti Joannis Christum baptizantis. DE SACRIS OLEIS, ET ALIIS REQUISITIS
- Sacrum Chrisma, et sanctum Oleum, quod et Catechumenorum dicitur, quorum usus est in Baptismo, debent esse ab Episcopo benedicta Feria V in Cœna Domini proxime superiore; neque adhibeantur vetera, nisi necessitas urgeat.
- Curet Parochus, ut ea suo tempore quamprimum habeat a suo Ordinario, et tunc vetera in eccle- sia comburat.
- Mox deficienti Oleo benedicto aliud Oleum de olivis non benedictum adjiciatur, etiam iterato, minore tamen copia.
- Chrisma, et Oleum sacrum sit in suis vasculis argenteis aut saltem stanneis, bene obturatis: quæ vascula sint inter se distincta et proprium unumquodque inscriptionem habeat, majusculis litteris incisam, ne quis error commitatur.
- Ad usum vero quotidianum minora habeantur vascula ex argento, si fieri potest, aut stanno, sive separata, sive etiam conjuncta: apte tamen distincta, et bene cooperta, et cum suis inscription- ibus, ut supra, ne Parochus aberret, et unum pro altero sumat, quod cavere debet diligenter.
- In ea igitur ex majoribus vasculis Chrismatis et Olei, quod sufficiat, infundatur, atque ut effu- sionis periculum caveatur, commodum erit, in his vasculis bombacium, seu quid simile habere,
De sacramento Baptismi rite administrando Oleo sacro, et Chrismate separatim perfusum, in quo pollex, cum opus est, ad inguendum immi- tatur.
- Hæc vascula ita paratur in ecclesia, loco proprio, honesto, ac mundo, sub clave, ac custodia de- center asserventur, ne ab aliquo, nisi a Sacerdote, temere tangantur, aut eis sacrilege quisquam abluti possit; nec ea domi Parochus retineat, nisi propter necessitatem aliamve rationabilem causam, accedente Ordinarii licentia.
- Parochus, quantum fieri potest, curet, ne per laicos, sed per se, vel aliam Sacerdotem, vel saltem per alium Ecclesiæ ministrum hæc Olea deferantur: caveat item, ne de iis quidquam ulli umquamtribuat cujusvis rei praetextu.
- Sal, quod in os baptizandi immittendum est, sit benedictum sua peculari benedictione, quæ in- fra præscribitur; neque utatur sale exorcizato ad benedicendam aquam; sitque prius bene confrac- tum et attritum, siccum ac mundum. Sal ita benedictum nemini tradatur, neque etiam iis, qui benedicendum attulerint, reddatur, sed ad alios baptizandos servetur, aut sacrarium abjiciatur.
- Cum igitur Baptismi Sacramentum jam administrandum est, hæc in promptu esse debent:
- Vascula sacra Olei catechumenorum, et Chrismatis.
- Vasculum cum sale benedicendo, vel jam, ut dictum est, benedicto.
- Vasculum, seu cochleare ex argento, vel alio metallo nitidum, ad aquam Baptismi fundendam super caput baptizandi, quod nulli præterea alii usui deserviat.
- Pelvis, seu bacile ad excipiendam aquam ex capite defluentem, nisi statim in sacrarium defluat.
- Gossipium, alio nomine bombacium, seu quid simile, ad abstergenda loca sacris Oleis inuncta.
- Stolæ duæ, ubi commode haberi possunt, una violacea, et altera alba, ut infra notatur, mutanda; sin minus, una saltem adhibeatur.
- Medulla panis, qua inuncti Sacerdotis digiti, cum manus lavat, abstergantur; et vas pro manum lotione post Baptismum, quod huic tantumusui deservire decet.
- Alba vestis in modum pallioli, seu linteolum candidum, infantis capiti imponendum.
- Cereus, seu candela cerea, baptizato ardens tradenda.
- Hic denique Ritualis liber sit paratus; et item liber Baptismalis, in quo baptizati describuntur.
- Omnibus igitur opportune præparatis, Sacerdos ad tanti Sacramenti administrationem, lotis manibus, superpelliceo et stola violacea indutus, accedat: Clericum unum, seu plures, si potest, se- cum adhibeat, superpelliceo pariter indutos, qui sibi ministrent.
- Ita paratus accedat ad limen ecclesiæ, ubi foris expectant qui infantem detulerunt.
- Interroget (nisi de his bene sibi constet), an sit suæ parœciæ , masculus, an femina, an sit domi baptizatus, et a quo, et quam rite, et qui sint compatres, qui infantem tenant, pro eoque re- sponedant: quos pie ac decenter assistere, ac prout opus erit, pro baptizando ad interrogationes re- spondere admoneat.
- Et quoniam iis qui baptizantur, tamquam Dei filius in Christo regenerandis, et in ejus militiam adscribendis, nomen imponnitur, curet ne obscœna, fabulosa, aut rediciula, vel inanium deorum, vel impiorum ethnicorum hominum nomina imponantur, sed potius, quatenus fieri potest, Sancto- rum, quorum exemplis fideles ad pie vivendum excitentur, et patrociniis protegantur.
Ordo Baptismi parvulorum pietátis tuæ, ut, signo sapiéntiæ tuæ imbútus (-a, ómnium cupiditátum fœtóribus cáreat, et ad suávem odórem præceptórum tuórum lætus (-a) tibi in Ecclésia tua desérviat et profíciat de die in diem. Per eúmdem Christum Dóminum nostrum. R. Amen. pietátis tuæ, ut signo sapiéntiæ tuæ imbúti (imbútæ), ómnium cupiditátum fœtoribus cáreat, et ad suávem odórem præceptórum tuórum læti (lætæ) tibi in ecclésia tua desérviant, et profíciant de die in diem. Per eúmdem Christum Dóminum nostrum. R. Amen.
- Deinde Sacerdos benedicit sal, quod semel benedictum alias ad eumdem usum deservire potest. Exorcízo te, creatúra salis, in nómine Dei + Patris omnipoténtis, et in caritáte Dómini nostri Jesu + Christi, et in virtúte Spíritus + Sancti. Exorcízo te per Deum + vivum, per Deum + verum, per Deum + sanctum, per Deum +, qui te ad tutélam humáni géneris procreávit, et pópulo veniénti ad credulitátem per servos suos consecrári præcépit, ut in nómine sanctæ Trinitátis efficiáris salutáre sacraméntum ad effugándum inimícum. Proínde rogámus te, Dómine Deus noster, ut hanc creatúram salis sanctificándo sanctí + fices, et benedicéndo bene + dices, ut fiat ómnibus accipiéntibus perfécta medicína, pérmanens in viscéribus eórum, in nómine ejúsdem Dómini nostri Jesu Christi, qui ventúrus est judicáre vivos et mórtuos, et sǽculum per ignem. R. Amen.
- Deinde immittit modicum salis benedicti in os infantis, dicens (singulariter singulis): N. Accipe sal sapiéntiæ: propitátio sit tibi in vitam ætérnam. R. Amen. Sacerdos: Pax tecum. R. Et cum spíritu tuo. Pro uno vel una Orémus Oratio Deus patrum nostrórum, Deus univérsæ cónditor veritátis, te súpplices exorámus, ut hunc fámulum tuum N. (hanc fámulam tuam N.) respícere dignéris propítius, et hoc primus pábulum salis gustántem, non diútius esuríre permíttas, quo minus cibo expleátur cælésti, quátenus sit semper spíritu fervens, spe gaudens, tuo semper nómini sérviens. Perduc eum (eam), Dómine, quǽsumus, ad novæ regeneratiónis lavácrum, ut cum fidélibus tuis promissiónum tuárum ætérna prǽmia cónsequi mereátur. Per Christum Dóminum nostrum. R Amen.Ame Pro pluribus Orémus Oratio Deus patrum nostrórum, Deus univérsæ cónditor veritátis, te súpplices exorámus, ut hos fámulos tuos N. (has fámulas tuas N.) respícere dignéris propítius, et hoc primus pábulum salis gustántes, non diútius esuríre permíttas, quo minus cibo expleátur cælésti, quátenus sit semper spíritu fervéntes, spe gaudéntes, tuo semper nómini serviéntes. Perduc eos (eas), Dómine, quǽsumus, ad novæ regeneratiónis lavácrum, ut cum fidélibus tuis promissiónum tuarum ætérna prǽmia cónsequi mereántur. Per Christum Dóminum nostrum. R. Amen. Exorcízo te, immúnde spíritus, in nómine Pa + tris, et Fi + lii, et Spiritus + Sancti, ut éxeas, et recédas ab hoc fámulo (hac fámula) Dei N.: Ipse enim tibi ímperat, maledícte damnáte, qui pédibus super mare ambulávit, et Petro mergénti déxteram porréxit. Exorcizo te, immúnde spíritus, in nómine Pa + tris, et Fí + lii, et Spíritus + Sancti, ut éxeas, et recédas ab his fámulis (hac fámulabus) Dei N.: Ipse enim tibi ímperat, maledícte damnáte, qui pédibus super mare ambulávit, et Petro mergénti déxteram porréxit.
Titulus 2—Caput 2 Ergo, maledícte diábole, recognósce senténtiam tuam, et da honórem Deo vivo et vero, da honórem Jesu Christo Fílio ejus, et Spirítui Sancto, et recéde ab hoc fámulo (hac fámula) Dei N., quia istum (istam) sibi Deus, et Dóminus noster Jesus Christus ad suam sanctam grátiam, et benedictiónem fontémque Baptismátis vocáre dignátus est. Ergo, maledicte diábole, recognósce senténtiam tuam, et da honórem Deo vivo et vero, da honórem Jesu Christo Filio ejus, et Spirítui Sancto, et recéde ab his fámulis(hac fámulabus) Dei N., quia istos (istas) sibi Deus, et Dóminus noster Jesus Christus ad suam sanctam grátiam, et benedictiónem fontémque Baptismátis vocáre dignátus est.
- Hic pollice in fronte signat infantem, dicens (singulariter singulis): Et hoc signum sanctæ Cru + cis, quod nos fronti ejus damus, tu, maledícte diábole, numquam áudeas violáre. Per eúmdem Christum Dóminum nostrum. R. Amen.
- Mox imponit manum super caput infantis (singulorum infantium), et postea manum extensam tenens dicit: Pro uno vel una Orémus Oratio Aetérnam ac justissímam pietátem tuam déprecor, Dómine sancte, Pater omnípotens, ætérne Deus, auctor lúminis et veritátis, super hunc fámulum tuum N. (hanc fámulam tuam N.) ut dignéris eum (eam) illumináre lúmine intélligentiæ tuæ: munda eum (eam) et sanctífica: da ei sciéntiam veram, ut dignus (digna) grátia Baptísmi tui efféctus (effécta), téneat firmam spem, consílium rectum, doctrínam sanctam. Per Christum Dóminum nostrum.R. Amen. Pro pluribus Orémus Oratio Aetérnam ac justissímam pietátem tuam déprecor, Dómine sancte, Pater omnípotens, ætérne Deus, auctor lúminis et veritátis, super hos fámulos tuos N. (has fámulas tuas N.) ut dignéris eos illumináre lúmine intélligentiæ tuæ: munda eos (eas) et sanctífica: da eis sciéntiam veram, ut digni (dignæ) grátia Baptismi tui effécti (efféctæ), téneant firmam spem, consílium rectum, doctrínam sanctam. Per Christum Dóminum nostrum.R. Amen.
- Postea Sacerdos imponit extremam partem stolae pendentem a suo humero sinistro super primum infantem, et introducit eum (quam sequunter ceteri) in ecclesiam, dicens: Pro uno vel una N. Ingrédere in templum Dei, ut hábeas partem cum Christo in vitam ætérnam. R. Amen. Pro pluribus N. et N. Ingredímini in templum Dei, ut habeátis partem cum Christo in vitam ætérnam. R. Amen.
- Cum fuerint ecclesiam ingressi Sacerdos procedens ad Fontem, cum susceptoribus conjunctuim clara voce dicit: Credo in Deum, Patrem omnipoténtem, Creatórem cæli et terræ. Et in Jesum Christum, Fílium ejus únicum, Dóminum nostrum; qui concéptus est de Spíritu Sancto, natus ex María Vírgine, passus sub Póntio Piláto, crucifíxus, mórtuus, et sepúltus: descéndit ad ínferos; tértia die resurréxit a mórtuis; ascéndit ad cælos; sedet ad déxteram Dei Patris omnipoténtis: inde ventúrus est judicáre vivos et mórtuos. Credo in Spíritum Sanctum, sanctam Ecclésiam cathólicam, Sanctórum communiónem, remissiónem peccatórum, carnis resurrectiónem, vitam ætérnam. Amen.
Titulus II—Caput 2 N. Credis in Deum Patrem omnipoténtem, Creatórem cæli et terræ? R. Credo. Sacerdos: Credis in Jesum Christum, Fílium ejus únicum, Dóminum nostrum, natum, et passum? R. Credo. Sacerdos:Credis in Spíritum, sanctam Ecclésiam cathólicam, Sanctórum communiónem, remis- siónem peccatórum, carnis resurrectiónem, et vitam ætérnam? R. Credo.
- Subinde, expresso nomine baptizandi, Sacerdos dicit (singulariter singulis): N. Vis baprizári? Respondet patrinus: Volo. Baptismus
- Tunc patrino vel matrina, vel utroque (si ambo admittantur) infantem tenente, Sacerdos vasculo, seu urceolo accipit aquam baptismalem, et eam ter fundit super caput infantis in modum crucis, et simul verba proferens, semel tantum distincte et attente, dicit (singulariter singulis): N. Ego te baptízo in nómine Pa+ tris (fundit primo), et Fí + lii (fundit secundo), et Spíritus + Sancti (fundit tertio).
- Ubi autem est consuetudo baptizandi per immersionem, Sacerdos accipit infantem, et advertens ne laedatur, caute immergit, et trina immersione baptizat, et semel tantum dicit: N. Ego te baptízo in nómine Pa+ tris , et Fí + lii , et Spíritus + Sancti.
- Mox patrinus, vel matrina, vel uterque simul infantem de sacro Fonte levant, suscipientes illum de manu Sacerdotis.
- Si vero dubitetur, an infans fuerit baptizatus, utatur hac forma: N. Si non es baptizátus (-a), ego te baptízo in nómine Pa + tris, et Fí + lii,et Spíritus + Sancti. Unctio Chrismatis, etc.
- Deinde intingit pollicem in sacro Chrismate, et ungit infantem in summitate capitis in modum crucis, dicens (singulariter singulis): Deus omnípotens, Pater Dómini nostri Jesu Christi, qui te regenerávit ex aqua et Spíritu Sancto,quique dedit tibi remissiónem ómnium peccatórum (hic inungit), ipse te líniat + Chrísmate salútis in eodem Christo Jesu Dómino nostro in vitam ætérnam. R. Amen. Sacerdos: Pax tibi. R. Et cum spíritu tuo.
- Tum bombacio, vel re simili, abstergit pollicem, et locum inunctum, et imponit capiti ejus lin- teolum candidum loco vestis albae, dicens (singulariter singulis): Accipe vestem cándidam, quam pérferas immaculátam ante tribúnal Dómini nostri Jesu Christi, ut hábeas vitam ætérnam.R. Amen.
- Postea dat ei, vel patrino, candelam accensam, dicens (singulariter singulis): Accipe lámpadem ardéntem, et irreprehensíbilis custódi Baptísmum tuum: serva Dei mandáta, ut, cum Dóminus vénerit ad núptias, possis occúrrere ei una cum ómnibus Sanctis in aula cælésti, et vivas in sǽcula sæculórum. R. Amen.
- Postremo dicit: Pro uno vel una N. Vade in pace et Dómnus sit tecum. R. Amen. Pro pluribus N.N. Ite in pace, et Dóminus sit vobiscum. R. Amen.
Ordo Baptismi parvulorum
- Ritus superius descriptus servandus est etiam a Diacono Baptismum solemnem ministrante, qui tamen sale et aqua utetur a Sacerdote ad hunc usum rite prius benedictis.
- Si vero sint plures baptizandi, sive masculi, sive feminæ, in catechismo masculi statuantur ad dexteram, feminæ vero ad sinistram; et omnia pariter dicantur ut supra, in proprio genere, et numero plurali. Verum prima nominis interrogatio, exsufflatio, crucis impressio, seu signatio, tactus aurium et narium cum saliva, abrenuntiationis interrogatio, unctio Olei Catechumenorum, interrogatio de Fide, seu Symbolo, et ipse Baptismus, inuncto Chrismatis, candidae vestis impositio, atque accensæ candelæ traditio, singulariter singulis, et primum masculis, deinde feminis, fieri debent. Sed pro majori commoditate adnotatum est propriis locis in rubricis parenthesi notatis; ita ut, quando dicitur intali rubrica “singulariter singulis”, intelligatur quod illa verba, vel actiones, usque ad aliam rubricam dici, vel fieri debent singulariter singulis, et primum masculis, deinde feminis, mutato solum genere, ut dictum est supra. Quando vero in simili rubrica dicitur “in plurali pro pluribus”, intelligatur, quod illa verba usque ad aliam rubricamdici debent semel, sed pro pluribus in plurali, mutato solum genere, si omnes sint feminæ.
- Si infans, vel adultus ægrotus adeo graviter laboret, ut periculum immineat, ne pereat antequam Baptismus perficiatur, Sacerdos, omissis quæ Baptismus præcedunt, eum baptizet, ter, vel etiam semel infundens aquam super caput ejus in modum crucis, dicens: Ego te baptízo, in nómine Patris, etc., ut supra, pag. 16 Si non habeatur aqua Baptismalis, et periculum impendeat, Sacerdos utatur aqua simplici. Deinde si habeat Chrisma lineat eum in vertice, dicens: Deus omnípotens, etc., ut supra, pag. 16 Postea dat ei linteolum candidum dicens: Accipe vestem etc., ut supra, pag. 16 Ac demum dat ei ceream candelam accensam, dicens: Accipe lámpadem, ut supra, pag. 16 Si supervixerit, suppleantur alii ritus omissi.
- Si plures sint baptizandi, et periculum mortis immineat, tempusque non suppetat, ut singuli separatim baptizentur, poterit minister singulorum capitibus aquam infundens omnes simul baptizare, dicendo: Ego vos baptízo in nómine Pa + tris, et Fí + lii, et Spíritus + Sancti. Quam tamen formam ad plures simul baptizandos solum in mortis periculo, et ubi tempus non patiatur, ut singuli separatim baptizentur, alias numquam licet adhibere.
- Admonendi sunt susceptores de spirituali cognatione, quam contraxerunt cum baptizato; quæ cognatio impedit Matrimonium, ac dirimit.
- Curet Parochus parentes infantis admoneri, ne in lecto secum ipsi, vel nutrices parvulum habeant, propter oppressionis periculum; sed eum diligenter custodiant, et opportune ad christianum disciplinam instituant.
- Commendendi sunt etiam parentes, et alii, si opus fuerit, ne filios hebræis, aliisve infidelibus, vel hæreticis mulieribus ullo modo lactandos, aut nutriendos tradant.
- Antequam infans ex ecclesia asportetur, aut susceptores discedant, eorum nomina, et alia de administratio Baptismo ad praescriptam formam in Baptismali libro Parochus accurate describat.
- Si Baptismus nec a proprio Parocho nec eo praesente administratus fuerit, minister de ipso collato quamprimum proprium ratione domicilii Parochum baptizati certiorem reddat.
- Ad collatum Baptismum comprobandum, si nemini fiat præjudicium, satis est unus testis omni exceptione major, vel ipsius baptizati jurisjurandum si ipse in adulta ætate Baptismum receperit.
Titulus II—Caput 3
- Omnes autem, de quibus, re diligenter investigata, prudens dubium existat, num revera vel num valide baptizati fuerint, sub conditione iterum baptizentur.
- Hæretici vero ad Catholicam Ecclesiam venientes, in quorum Baptismo debita forma, aut materia servata non est, rite baptizandi sunt; sed prius errorum suorum pravitatem agnoscant et detestentur, et in fide Catholica diligenter instruantur: ubi vero debita forma et materia servata est, omissa tantum suppleantur, nisi rationabili de causa aliter loci Ordinario videatur.
- Ceterum legantur, et serventur ea, quae supra de Baptismo in communi præscripta sunt cap. 1.
Titulus II—Caput 4
CAPUT 4
ORDO BAPTISMI ADULTORUM
- In primis Sacerdos, paratis his, quæ supra de observandis in administratione Sacramenti Baptismi parvulorum dicuntur, indutus superpelliceo et stola, vel etiam pluviali violacei coloris, cum suis Clericis accedit ad gradus Altaris, et genibus flexis, pias mente ad Deum præcens effundit, ut tantum Sacramentum digne valeat ministrare, et ad implorandum divinum auxilium, surgens, se signat, et, si temporis ratio ferat dicit: V. Deus in adjutórium meum intende. R. Dómine, ad adjuvandum me festina. V. Glória Patri. R. Sicut erat.
- Postea incipit, prosequentibus Clericis, Antiphonam: Psalmus 8 Quóniam eleváta est magnificéntia tua, * super cælos Ex ore infántium et lacténtium perfecísti laudem propter inimícos tuos * ut déstruas inimícum et ultórem.
